本熊在跑步（二）訓練班

跑步訓練班由一個名為「貴金屬」的跑會統籌，一季十六課逢星期三兩小時到跑馬地練習，成員十幾人有三份一係同系彼此認識的，其中有兩個同team 一齊工作的，所以星期三完工後相約一起出發，浩浩蕩蕩十分熱閙。

課程內容都係基礎跑步知識，姿勢、呼吸、體能訓練，跑吓限速配速interval 咁，兩季下來目標就是五十分鐘內完成10km 賽事（以渣馬為藍本）若想再上半馬全馬則要額外鍛鍊，配合飲食作息控制，當然非一時三刻而蹴。

參加訓練班的好處是有教練，按進程set 目標定方法練習，其中最重要是有助認識自己，了解身體狀況，知到目前極限，更以挑戰自己為己任（跑者通常以自己為目標而不是比較他人，這樣的思維方式普及於做人處事方方面面，大有裨益）過程中有同伴互相扶持，一起共同進退打打鬧鬧更是樂事。

訓練班的壞處則是限時限刻，難於維持，以本熊一星期外加一兩場足球比賽，全部習中於week day 便難於兼顧，通常運動一日休息一日最是理想，若連續兩日運動（計及其強度）便不能持續了，本熊曾經強而為之結果就是病倒臥床，這個年紀一病就要整個星期方可康復。當然一切也只是priority，若只有跑步一項運動就另作別論。

究竟跑步於本熊而言是目標（ends）還是手段（means） ，本熊一直未有答案。

本熊一共參加了兩季訓練班，當有同事退出後就打退堂鼓去，其時第一次報渣馬10km 又抽唔中，於是決定另定schedule ，以下一屆渣馬半馬為目標自行練習。