本熊的財務報告（20年結）

話說本熊個blog 唔知乜事，文章更新了但不能trigger blog 友的reading list，無法知道本熊的新文，令一向不高的流量維持冰封水平；也打擊了寫文衝勁，須知以文會友係一大樂事，希望遲啲可以回復正常啦，若看倌知道問題如何修正，麻煩通知本熊。

本熊公司財務年報出爐（as of 31st Dec,20）

收入（計及支薪、租金、股息）下降了40%
支薪佔以上的57點子（沒有了主動收入十個月，最後兩個月因緣際會番番工，有了兩個月薪金，但應該都唔會做得長）
租金佔12點子（今年全部租約都要更新，除樓3外全部都要減租找新客，市道如此只可以接受）
股息佔31點子（三月股災後大幅去槓桿去庫存，倉值細咗股息也大幅減少）

支出 （計及p loan 按揭還款、家用及個人消費、租金）下降了13％
按揭佔72點子（一黎減息、二黎參加了銀行的還息不還本計劃，令絕對供款減少）
家用及個人消費佔2點子（有條陳年的保險供滿了）
租金佔26點子（成功叫到業主死約後減租，但幾個月後還是搬走了，搬去遠啲新區新樓盤，供求關係面積一樣都租平咗）

收入與支出比2.0倍（19年是1.38倍）（自己下海跑數的成份大咗，壓力確實大了不少，令本熊中招病倒了）

另旅行果啲視為非經常性開支，會直接於流動資產減值結算（20年無咗旅行支出，真係一次都無飛過。但今年樓宇維修卻洗了非常之多錢，所有出租樓都中咗漏水這一大問題，有啲整一次就得，但樓0整咗幾個月還沒有完全解決，差點要舆租客死約都和平分手，以清空間屋去大修。還好相熟的裝修師傅沒有放棄本熊，最後都跟到埋尾，希望不用再收到漏水通知啦）

回顧番舊年展望，階段性哀弱持續中，要好似現今的債券派息基金咁跑數，然後每月派ROC 維持生計。年中經歷了股災、跟著又見證了升災 (注意係見證而不是參與) 本熊仍然係玩緊自己的策略，做short put 玩TSLA 贏得十元八塊，人家肯坐貨賺十倍百倍計；玩NIO 又係每round 一個幾亳；跟著死守一堆舊經濟內銀、地產、資源，年尾叫做net worth 平手，即賺了洗費又老了一歲。

資産
流動資產（計及現金、股票、期權）下降了46%，結構又大幅改變了
現金佔以上的0點子（本熊現金舆saving a/c 十多年來長期得五位數，真的連交卡數也不夠）
股票及期權佔100點子（期內IB Portfolio Report TWR 計上升24%，就係靠上述option 揼石仔揼番黎。但因為要提錢生活、加上大幅度去槓桿，IB 倉值也是減少了46%，槓桿比率由前年一直維持的1.6x，走貨走到0.5x 左右的浄現金水平。當然做sp 也是要按金，若持倉全被行使計可能會升到2至3倍 lv，但也是比以往減低了不少。

本熊前年等待牛三放煙花的期望落空了，但若坐著舊年啲貨唔放可能重衰多兩錢重，而本熊又不會跟紅頂白去玩當炒股，成繢不太可能短期內番番，無贏開有錢的底氣繼續加注過關，在現今股市牛熊並存的大局中可以說是相當失敗了。

可是在資產股大幅被拋售的當下，本熊也是成功保存到實力，若前年的目標係建立穩定收入系統，現在的時機比一年前一定更為有利，所以本熊已經開始不再只做短缐期權，會著手做長缐的ITM put或直接入正股建倉去。

流動負債（計及咭數、P/T loan、student loan）下降了85%
咭數佔0點子 （都係幾個掣之間的事件）
P/T loan 佔9點子（前年五月開始的跑步銀行新p loan，還下還下過咗一半以上了）
student loan 佔0點子（可以忽略不計）
IB 借款 佔91點子（就係減槓桿的一體兩面）

淨流動資產 （以上相減）下降了15%（始終要提錢生活）
流動資產槓桿比 1.13倍（19年是1.77倍）（今年主題係去槓桿，來年應該會認真建倉去）


固定資產 （計及MPF&保險、物業）上升了1%
MPF&保險佔以上的37點子（單計MPF 一份買大中華的多左21%，另外一份買港股的負了3%，算是跟隨大市表現，本熊今年又贏咗）
物業佔63點子（全部銀行HSB網上估價：樓0跌3.9%、樓2升1.5%、樓3升2.4%、新樓1升2.7%，整體物業類估價年度計上升咗1%

固定負債（只有按揭一項）下降了2％（就是一年的供款）

淨固定資產（以上相減）上升了3％
固定負債比 37.5% （19年是38.5%）（再減下本熊又會身痕想買野了）


淨資產 （流動加固定）下降了0.47%（多年黎首次淨資產下降，始終無咗主動收入，能夠cover 生計/ 經常性非經常性開支，實在太不容易。若照數字看本熊可以叫做財務自由，即沒有主動收入下也可以生存，但心態上離’自由’二字可謂差得太遠呢，看來本熊修為還是太差了）

浄資産增幅 （自12年按年率）12.3%（再再次回落）
資產分佈 （現金：股票&期權：MPF：物業）0%：12%：3%：85% （相比舊年又打回原形，資產配置仍在途中）


回顧往年，19年資產配置2.0完成，20年資產配置3.0開始提上了議程，目標就係：
1. 把握到牛三放煙花成功撤退：不成功
2. 找機會建立穩定回報長倉：機率上升
3. 賣出樓3 會喺下下個任務：躊躇中

展望21年，佔絕對大頭嘅港樓本熊看法係：經過18年中美貿易戰、19年社會事件、20年全球肺炎、加上國安法移民潮，若港樓去到21年第一季過後都唔再跌，便應該已經成功練成橫練不死身。跟著隨著美元熱環流、人民幣升值、資金流入而出現報復性反攻。仍再來的基本面因素，本熊同門三兄已經多次講到透徹，本熊就不再重複了，結論係樓價穿頂也只是時間嘅問題，

之所以本熊開始猶豫賣唔賣樓好呢？最好科案應該係唔洗賣樓而又借到錢，看來又要研究研究按揭遊戲了。

至於股市呢？美元熱環流係大勢，風來的時候連豬也可以飛天，但風和水的特性都係來得快去得快，故股市大漲大跌也是可以預期之中。唯一應對之法係唔好貪勝不知輸，人家贏錢係人家的本事，本熊若水三千只要一滴足矣，目標係推進建立穏定收益長倉去。