跌市的三種分類

早兩日睇陽世光YouTube，描述跌市有三種分類：

1.基本面修正：即預期基本因素改變，如肺炎對經濟嘅打擊
2.情緒面引發：等於劇院失火咁人人爭住走，唔係死於火警，而是亡於人踩人嘅悲劇
3.市場機制失靈：價格引導失效，流動性全失，體現於大西洋咁闊嘅買賣差價，即劇院門口個開關掣壞咗，完全走唔到

18th Mar,20 美杜嘅三千點跌幅，正正由於以上三種災患同時出現而成，本熊在股市咁耐，也是首次見到收息類証券啲ETD/ pre stock/ bond 好多一晚幾十個%嘅跌幅，啲種死法唔係因為資產質素，而是單單死於流動性一様野。要沽的不問價沽 (被主動平倉) 可下面無人出價，有人mark 低幾十個% 都照成交，咁又影響用市值計margin 嘅nlv，跟著又有人要爆倉，造成死亡漩渦一發不可收拾。

當晚美國市場真的超級超級超級恐怖

面對一個月跌咗一萬點嘅美杜 (是歷來最快速度入熊) 世光認為隨著全球政府/ 央行大救市，釋放流動性的各種市場導入基制，no.3 跌法可望修復；no.2 跌法可能會部份修復；no.1 跌法則短期內不可能修復。

體現於市場，跌幅有望收窄 (並不是指一定收復) 後市當然主要視乎疫情發展啦。加上因為全球咁放水，死馬都可以行得走得 (short term of course) 熊市暴力反彈也是大概率隨時上演，當然也許只是熊市反彈，並非熊市結束噢。

正如昨晚 20th Mar20 美杜又跌900 至年低位，收息類已經可以唔洗跟，有啲少跌有啲已然反彈不少了。

但要留意昨晚係美國四大類𧗠生性金融商品到期結算日 (即四巫日) 大戶殺跌至谷底食全餐結算，下星期已經是第二局開始了，繼續開細還是反手開番個大先也未可知。

至於本熊近況 (慘況) 本熊一定唔會比自己爆倉被抬出場的，但是無咗隻手無咗隻腳一定走唔甩了。基本上每日都要走貨去槓桿，詳細等下星期月結再決算。